بطاطس فريسكس بتاعت كوك دوررررررررر جامده جددددددي ي ي ي

المقااااادير

بطاطس مقطعه صوابع رفيعه

كوبيتين دقيق

معلقه كبيره بيكنج بودر

تلت كوب مايه ساقعه جدا

بهارات بصل بودر توم بودر كاري كركم شطه ملح فلفل جنزبيل بربيكيا كمون

 

الطرررررريقه

نقطع البطاطس صوابع رفيعه وننقعها في مايه بليمون وملح

نخلط المكونات الجافه الدقيق والبهارات والبيكنج بودر

  

بعد ما نخلط كل المكونات الجافه دي هناخد معلقتين كبار او تلات معلاق من الخليط ده وننزل بالمايه الساقعه جدا واحده واحده لحد ما تتكون عجينه لينه شبه الطحينه بالظبط

ونسيب باقي الخليط ع جنب هنستخدمه بعدين

نخلط البطاطس بالخليط السايل ده ونسيبها نصف ساعه

بعدين ناخد البطاطس نعفرها بالدقيق والخليط اللي سيبناه ده بس واحده بواحده عشان مش تلزق في بعض ونغلفها بالدقيق والبهارات

الزيت يكون غزير وسخن جدا ومقدوح كويس

ننزل بالبطاطس والنار عاليه خمس دقايق وبعدين نوطي عشان تستوي

وممكن بقي نستخدم الكاتشب ونعملها جنب الفراخ البانيه او الكفته والمايونيز ونعمل السندوتشات في البيت بقي

عشان كوك دورررررررررررر غاااااااالي صحححححححح

 

تتبيلة الشيش طاووق

المقادير

ربع كوب صلصلة حاره
معجون طماطم
بهارات مطحونه(كمون_كزبره_قرفه_زعتر_فلفل اسود_فلفل ابيض
فلفل اخضر
ثوم مفروم
صلصة بابريكانو_باربيكا_خل_ليمون_ملح_روب_مايونيز_بقدونس مفروم
الطريقه

نخلط قطع الدجاج مكعبات ونتبلها بكل المكونات اللي فاتت دي ونسيبها تتبل لمدة يوم كامل
وبعدين ندخله الفرن او نشوي علي الفحم

بالهنا والشفااااااااااااااااااااااااااا

فراخ بالليمون والزيت بس تحفه

المقادير
فرخه مقطعه اجزاء
ليمون معصور
ربع كوب زيت
ربع كوب ماء
قرنفل
حبهان
قرفه مطحونه
قرفه خشب
ملح
فلفل
الطريقه

نحلط الفراخ مع كل المقادير وندخلها الفرن تستوي وبعدين نحمرها تحت الشوايه

بالهنااااااا والشفااااااااااااااااااااا

ورقة اللحمه اللذيذه

المقادير
لحمه مقطعه مكعبات
بطاطس مكعبات
ثوم
كزبره خضرا
فلفل اخضر
فلفل اسود
فلفل ابيض
جوزة الطيب
حبهان ناعم
بصلتين
زيت
الطريقه

هنضيف كل المكونات ونقلبها كلها علي بعضها ونجيب ورقة زبدة بس هنبلها عشان متتحرقش ونضع بها كل المكونات ونلفها في ورقة الفويل ونقفلها كويس ونحطها في الفرن

بالهناااااااا والشفاااااااااااااااااااا

الكفته بس بطريقه جديده جدااااااااااااا

المقادير
لحمه مقرومه
دهن لحم
بصلتين
طماطميه
خل
سكر
ملح
فلفل اسمر
توابل مختلفه
الطريقه

نفرم اللحمه مع الدهن وبعدين نفرم البصله مع اللحم ونضيف الملح والفلفل والتوابل ونحطهم ع جنب
وبعدين نفرم البصله التانيه والطماطميه ونصفيهم ونجيب عصير البصله وعصير الطماطم ونضيف معلقتين خل كبار ونصف معلقة سكر
نصبع الكفته ونفرغها من الوسط ونغمرها في العصير اللي عملناه ونجيب طاسه بها كمية قليله من الزيت ونقلبها لحد ما تستوي

بالهناااااااا والشفاااااااااااااااااااااااا

فراخ بطريقة سهله وجديده جداااااااا

المقادير
فرخه مقطعه تمن قطع
بهارات مشكله(كاري وفلفل احمر وزعتر وبصل بودره وليمون وملح
طماطم مقطعه وبصل وفلفل رومي مقطع

الطريقه

نجيب الفراخ ونقطعها تمن قطع ونشيل منها الجلد وكل الدهون يعني كاننا بنقشرها بالظبط ونجيب البهارات ونتبلها بيها كويس ونقلب عليها الطماطم المتقطعه بس بنشيل منها القشر بتاعها وكمان نضيف الفلفل الرومي والبصل المتقطع ونضيق ربع فتجان زيت ونقلب كويس ونسيبها تتبل في التلاجه لمدة6 ساعات وبعدين نجيب حله وندهنا بالزيت كاننا بنرش بسيط جدا وبعدين هنجيب ورق الفويل ونحط الفراخ وكل الخليط في ونقفله كويس ونحطه في قلب الحله اللي رشناها بالزيت ونسيبها تستوي براحتها خااااااااالص وبعدين قرب ما تستوي نكون مولعين فحم لحد ما يحمر ونحطه في ورقة فويل صغيره ونحط عليها حته سمن تسيحه ونسيبها تطلع ريحة الفحم الحلوه ع الفراخ ونقفل ورق الفويل عليها

بالهنا والشفااااااااااااااااااااااااااا

طاجن لسان العصفور بالكبده

المقادير
نصف كيلو كبده وممكن قوانص كمان
تلات كوبايه مكرونه لسان العصفور
خمس معالق سمنه وزيت مخلوطين ببعض
ست كوبايه مايه وندوب فيهم مكعب ماجي او شوربة لحم او فراخ
ملح وفلفل وبهارات
اربع بصلات وتلات معالق صلصلة طماطم
ورق لوري وحبهان
الطريقه

ننقع الكبده بالخل والفلفل الاسمر ونسلق القوانص بالحبهان وورق اللوريوبعدين نقطعها مكعبات صغيره ونحطها ع جنب ونجيب حله ونحط السمنه والزيت ونحمر لسان العصفورونحطها ع حنب ونحمر في نفس السمنه الكبده ونشوحها شويه وبعدين القوانص والبصل ونشوحهم كويس ونحط فلفل اسود وبهارات وبعدين نضيف لسان العصفور ونقلب شويه وننقل كل الخليط ده في طاجن فخار وبعدين نجيب الشوربه وندوب فيها صلصلة الطماطم ونغليها ع النار وبعدين نضيفها ع طاجن لسان العصفور ونجيب حلقات فلفل اخضر ونقطعها ونرصها ع وش الطاجن وندخله الفرن

بالهناااااااا والشفااااااااااااااااااا